احتفالات السنة .. غير

24/2/2011

انتشرت رسائل على «وتس آب» حول الاحتفالات الوطنية في ما يلي احداها:
يالكويتيين ترى الاحتفالات هالسنة غير.. الرؤساء ضيوف سمو الأمير أكثر من 50 رئيس يعني من 50 قناة عالمية تنقل الاحتفالات، وأتمنى أنكم تحتفلون بشكل حضاري، وما تفشلونا جدام العالم!.. يرحم أمكم ما نبي دشداشة مخصّرة ومتلثم ومطلعلي سيقانك ولابس نعال بهالبرد وترقص جنك هيفاء وهبي، واللي يعرف هالاشكال تكفون يكلمهم.. وما نبي بنات كاتبين على خدودهم القذافي.. ما نبي خفة.. وما نبي خوال لابسين سلاسل ومعلقين فيهم نعل..
وما نبي تسوون باي باي حق الكاميرا جنكم هنود..
واذا سووا معاكم لقاء ما نبي سوالف فضائية..
خلكم طبيعيين.
وما نبي واحد بوسط المسيرة مشغل الاخوة وقاعد يبجي جنه معقد والناس كلها مستانسة!.. محد راح يقول عنك واو رومانسي.. ولا تفتحون بيبان السيارات على الأوادم ترى عيب.. باختصار ما نبي هلاقة خلونا نستانس بشكل حضاري..
فهمتواااااااااااااا.

• كلمة راس
واحد بـ«التويتر» فتح حساب باسم بوشيخة.. أنا بوشيخة للحين ما فتحت حساب في «تويتر» .. ولما افتح الحساب رح تكون «الدار» أول مكان أنشر فيه الخبر