مسيلمه الكويتي..متعور

7/9/2009
كاتب حي الطرب الأسبق البطه السوده سابقا..مسيلمه الكويتي حاليا..تضايق من انتقادنا له وكشف الاعيبه وتاريخه الدايخ..ووايد تأثر من محاولاتنا في تعريته وتوضيح صوؤته الحقيقه للناس..وكتب اللي كتبه بالصحافه والانترنت بدافع الانتقام..ولأنه خواره وخرطي وطمبور طين..شرّق وغرّب واختلق قصه بوليسيه من خياله السقيم ونفسه المريضه واوهامه الدنيئه..طبعا اهو متخصص بالقصص البوليسيه من ايام ما كان بشارع الصحافه..وموضوع حريجة السياره اكبر فلم انفضح منه..اولا يا مسيلمه الكويتي انت اتهمتنا ان اسلوبنا سوقي وطريقتنا شوارعيه بالنقد..وانا اذكرك يا مسيلمه انك اول من بدا بإستخدام هالأسلوب..انت اول من شال بيرق الهجوم على رموز الكويت وشيوخها وتجارها وسياسيينها...انت اول من سواله موقع الكتروني يكتب فيه ضد عيال فهد الأحمد..انت اول من ألف كتاب اسمه يحمل إشاره خبيثه واساءه بالغه لأبناء الاسره الحاكمه مجتمعين..انت اللي قلت وكتبت كلام ينضح بالخبث واللؤم ..انت اول من علمنا بشارع الصحافه الردح يا كاتب حي الطرب العووود..يا افشل محامي بتاريخ الكويت..والحين يوم اني واجهتك بنفسك تعورت وصرت تهدد عمامك وتاج راسك يا طربش..اما اللي قاعد يعطيك بيزات وتحديدا اربعة الاف ونص غير السياره وكسوة الشتا والصيف يا دوني.. فآنا عن نفسي بتروى شوي واعطيه فرصه مثل ما يعطي القناص فرصه حق الطير..ومثل ما صبر فرعون على ما بنوا له الاهرامات والآثار ..وراح اتريا انه يعيد حساباته وينتبه من خطرك الداهم ونَفَسك المريض مثل ما يصبر الميكانيكي على المكينه ويرتبها برغي برغي..وقد اعذر من انذر ..علي وعلى اعدائي راح اكشف كلللللللللللللللللللل شي..واذا اللي مخليك تكتب هاليومين الحره اللي فيك ما عليه لكن ان رديت راح ارد عليك وراح اعورك صج مو غشمره وراح افتح كللللللللللللل الملفات..الكويت اهم منك وانت اللي ما قدمت لها غير الفتنه وقواة العين..اذا تهددنا بإنك بتفضحنا فأحنا مكشوفين الراس ومصلعين ولا عندنا شي نخاف منه..اما انت مو كفو تكون ند لنا ولا لعمامك الشيوخ وتاج راسك اهل الحكم..دير بالك ترى اخليك من فشلتك من اللي حولك تستحي ترفع عينك بعينهم.
كلمة راس
مسيلمه الكويتي يختلق قصص وروايات خياليه والاسباب نعرفها زين..بس الغريب انه هالمره انكشف لأنه مارجع حق بو القراطيس اللي كاتب التاريخ بمزاجه..ما جذب ولا بالغ بو براك يوم قال لي..اذا الطاوله اللي جدامك تفتهم احمدووه يفتهم..