انتبه يا جاهل

ماراح اعيد واكرر موضوع المناهج لأني تناولته قبل فترة.. واللي يبي يزور موقع «الدار» ويبحث في الارشيف راح يلقى المقال ويترس راسه.. بس اليوم راح اكتب عن الهجمة اللي قاعد يمارسونها جم واحد مالهم ادنى تأثير.. ويبقون سفهاء لا يستحقون حتى انك تقول لهم سلام.. لكن الرد عليهم وتعريتهم واجب على كل واحد كاشفهم وعارف نواياهم.. هجمتهم منظمة وكلهم صاروا صف واحد وحركوا كتّابهم الدايخين ونوابهم المتحجرين وابواقهم النشاز.. وفوق كل هذا انضم لهم بو عمر القديس!..

هجمتهم وتوحدهم نابع من حقدهم وطائفيتهم.. ورأيهم مبني على اساس هش من عدم الاعتراف في الطرف الآخر.. وكل اللي يحركهم حقد دفين على ابناء هذه الطائفة.. جذابين ومنافقين لا تصدقون كلامهم المعسول.. ما يحبونكم ولا ودهم يصير لكم شان ولا يرضون بأنكم تتصدرون بأي مجال.. تقولون اني طائفي؟ محرض؟ أي نعم اذا احد داس لي على طرف.. وإذا فكر واحد منهم ينتقص من قدري.. الكويت لي قبلهم ومعرفي بيرق.. السور انزعب دمي وانا أبنيه حالي حالهم.. قدمت ولائي بدون ما انتظر ثناء احد في كل الظروف.. لكن اهما شقدمو؟ واحد يده بيو بيو برو برو.. واحد يدوده باقوا الاراضي.. وواحد دش الديرة بطيارة.. وواحد منهم غير اسمه من الفشلة.. اي نعم احنا أأصل منهم وكويتنا أهم منهم كلهم.. واذا الموضوع موضوع مناهج.. ترى اللي قدم التعديل الوزيرة وقبلها بنص قرن مشاري العنجري تقدم.. واذا واحدهم يعتقد ان الشيعة صاروا تسعة أصحح معلومته واقول له قبل لا يطب ابوك بمطار الكويت كانوا الشيعة عشرة.. ولا انت ولا يدك يقدر يشكك في ولاء الشيعة.. والتحية لكل كويتي شريف يرفض هذي الهجمة القبيحة.. • كلمة راس تحية حب واعتزاز لكل كويتي ينبذ الطائفية ويثور على اللي يحاول يأجج الفتنة.. وتحية حب وتقدير واحترام ورفعة عقال لكل كويتي ينتصر لطائفته اذا حس انها تتعرض للتكذيب والمهانة.. لأن اللي مافيه خير لأهله مافيه خير لديرته.