أنا أقول لازم نسوي علاج نفسي للناس في الكويت، تسألوني ليش، واشحقه ولماذا؟ انا اقول لكم، شنو قصة المولات والمجمعات التجارية، يعني عسى ما يفتتحون المجمع، ما تشوف الا العالم زحمة وهوشة على الدخول، والسيارات فوق بعض، مع انه مجمع مثل باقي المجمعات التجارية، محلات بيع ملابس، ومطاعم، وسينما، يعني مافي شي غير، بس احنا كأن اول مرة نروح مجمع، أو أول مرة نشوف مول في حياتنا! مركبين العيال السيارة يالله بنروح مول جديد،
لا وتشوف الناس في المجمع يدورون ويطالعون كل شيء، ويؤشرون على السقف، واللمبات، والطوف، ويعاينون الرخام، ويعطون رايهم بالمول، مو تعرفون ما شالله علينا نعرف كل شي، فلازم ننقد ونعطي راينا، لان ادارة المجمع ناطرين راينا قبل لا ينامون! طبعا المجمع مفتوح طول السنة وماراح يروح مكان، بس لازم نروح اول ايام، علشان نحصل على هالسبق الصحافي، وعلشان لحد يقول انا رحت وانت مارحت، او على الاقل وهو قاعد بالديوانية عنده سالفة يسولف فيها، ويقول والله رحت المول الجديد، بس ما عجبني وايد، لان بالمجمع اخطاء هندسية، والحريم طبعا لازم يدقون على بعض: اي توني جاية من المول الجديد، رحت اتطمش! وطبعا المغازلجية، والبطالية لازم هم يمرون ويشوفون وضع القهاوي، ومواقعها، حتى يختارون الموقع في المول الجديد لانه ملوا من المول القديم! وفي ناس يروحون حتى يحسبون المسافة بين المول ومقر شغلهم، لانه وقت النحشة من الدوام لازم يدوّر له على مول قريب وجديد! صج، شنو كنا نسوي اذا مافي مولات بالكويت، اكيد كنا ننتحر!.. أخ لو هالمولات تنقلب وتصير مستشفيات!
إقرأ المزيد...
لا وتشوف الناس في المجمع يدورون ويطالعون كل شيء، ويؤشرون على السقف، واللمبات، والطوف، ويعاينون الرخام، ويعطون رايهم بالمول، مو تعرفون ما شالله علينا نعرف كل شي، فلازم ننقد ونعطي راينا، لان ادارة المجمع ناطرين راينا قبل لا ينامون! طبعا المجمع مفتوح طول السنة وماراح يروح مكان، بس لازم نروح اول ايام، علشان نحصل على هالسبق الصحافي، وعلشان لحد يقول انا رحت وانت مارحت، او على الاقل وهو قاعد بالديوانية عنده سالفة يسولف فيها، ويقول والله رحت المول الجديد، بس ما عجبني وايد، لان بالمجمع اخطاء هندسية، والحريم طبعا لازم يدقون على بعض: اي توني جاية من المول الجديد، رحت اتطمش! وطبعا المغازلجية، والبطالية لازم هم يمرون ويشوفون وضع القهاوي، ومواقعها، حتى يختارون الموقع في المول الجديد لانه ملوا من المول القديم! وفي ناس يروحون حتى يحسبون المسافة بين المول ومقر شغلهم، لانه وقت النحشة من الدوام لازم يدوّر له على مول قريب وجديد! صج، شنو كنا نسوي اذا مافي مولات بالكويت، اكيد كنا ننتحر!.. أخ لو هالمولات تنقلب وتصير مستشفيات!
